أحداث رياضية ليلية: جدل حول التحكيم وأداء اللاعبين

مباراة الزمالك وبيراميدز

شهدت الساحة الرياضية الكروية العديد من الأحداث والمستجدات ليلًا، ولعل أبرزها الحديث عن مباراة الزمالك وبيراميدز في مرحلة حسم لقب الدوري. حيث تناولت «المصري اليوم» في فقرة يومية بعنوان «حدث ليلًا» أبرز الأخبار والمستجدات في الساحة الرياضية.

انتقادات جدو للتحكيم

وجه محمد ناجي جدو، مدرب نادي بيراميدز، انتقادات حادة للحكم محمد الغازي خلال إدارته لمباراة الزمالك وبيراميدز. حيث أكد أن هدف الأبيض كان تسللًا واضحًا، وكتب جدو عبر خاصية ستوري في موقع التواصل الاجتماعي «إنستجرام»:

"نفسي أفهم الناس دي بتضرب إيه ولا بتنام إزاي!! هدف تسلل واضح، ضربة جزاء لزيكو واضحة، كورة سامي خد فيها وأتوقف، نفسها بالظبط مفيش إنذار حسبنا الله ونعم الوكيل."

محمد بركات يشيد بـ عبدالله السعيد

أشاد محمد بركات، نجم النادي الأهلي السابق، بـ عبدالله السعيد نجم الزمالك، حيث قال:

"مش كل لاعيبة الكرة ملتزمة زي عبدالله السعيد. الراجل بيتمرن كويس وبينام بدري، وعارف بياكل إيه، وبيعمل الحاجات البسيطة وهو بطبيعته ملتزم."

وأضاف: "اللعيب لما بيكبر في السن بيبقى عليه ضغوطات، ومش عايز الناس تقول إن أنا كبرت، فبيتحدى نفسه إنه يدي أكتر في الملعب."

وتابع بركات: "اللعيبة اللي زي عبدالله السعيد بتبقى مخلدة في التاريخ، ومثال مشرف للعيب الكرة."

هجوم عمرو زكي على أحمد بلال

وجه عمرو زكي انتقادًا حادًا لـ أحمد بلال، حيث قال:

"ناصر منسي تعرض لهجوم غير مبرر، ومش لاقيله تفسير من كابتن أحمد بلال، ولكن لازم نبص لمصلحة منتخب مصر، وإننا بنفتقد الحتة الهجومية."

وأضاف: "من حق أحمد بلال يشوف نفسه أحسن من منسي، ولكن من غير ما يجرح في حد، وبتمنى العلاقة دايمًا تكون احترام."

وتابع: "التاريخ اللي بيقول مين أحسن، أنا ولا أحمد بلال، أنا أحسن منه بالتاريخ والبطولات، أي لاعب بيشوف نفسه أحسن واحد."

واختتم زكي تصريحاته قائلاً: "وكنت بتمنى منه تصريحاته تكون داعمة للاعب حتى لو في الزمالك عشان مصلحة منتخب مصر، لازم نبقى محترمين، واحترم تحترم، وكلامي لازم يكون على قد نجوميتي والنادي اللي كنت بلعب فيه."